ভূপেন হাজৰিকা- এজ্‌ আই নিউ হিম


ভূপেন হাজৰিকা- এজ্‌ আই নিউ হিম  শিৰোনামৰে বিগত ২০১৮ৰ অক্টোবৰ মাহৰ শেষৰ দিনটোত সুধাকন্ঠ ড° ভূপেন হাজৰিকাৰ সুদীৰ্ঘ দিনৰ সংগী কল্পনা লাজমীৰ এখন আত্মজীৱনীমূলক গ্ৰন্থ প্ৰকাশ পাইছে। প্ৰত্যাশিতভাৱেই প্ৰকাশৰ প্ৰায় লগে-লগে গ্ৰন্থখনে অসমৰ চিন্তাশীল মহলত তুমূল বিতৰ্কৰ সূচনা কৰিছে। কাৰণ, ভূপেন হাজৰিকা মানেই অসমীয়া মানুহৰ এটি আৱেগ, এচামৰ বাবে ভূপেন হাজৰিকা ভগৱানৰ অৱতাৰ। অৱশ্যে সেই একেজন ভূপেন হাজৰিকাকে এসময়ত এচামে মদাৰৰ ফুল বুলি হাঁ‌হিছিল। পিছে ভূপেনদাই  কৰ্মৰ বলেৰে, প্ৰতিভাৰ বলেৰে নিজকে ‘অসমৰ নক্সা’ হিচাপে প্ৰতিপন্ন কৰিবলৈ সক্ষম হৈছিল। ‘বিহু’, ‘ব্ৰহ্মপুত্ৰ’আৰু ‘ভূপেন’ অসমৰ সমাৰ্থক হৈ পৰিছিল। জীৱিতকালত সকলো পক্ষৰ পৰা যথাযোগ্য স্বীকৃতি আৰু সন্মান নাপালেও মৃত্যুৰ পিছত ভূপেনদাই সকলোখিনি পালে। শেহতীয়াকৈ চলিত বৰ্ষৰ ২৬ জানুৱাৰীত  ভূপেনদালৈ আগবঢ়োৱা হ’ল ভাৰতবৰ্ষৰ সৰ্বোচ্চ অসামৰিক সন্মান ‘ভাৰতৰত্ন’। পিছে ভূপেনদাৰ প্ৰতি অসমীয়া মানুহে এসময়ত কৰা অন্যায়খিনিয়ে, ভূপেনদাৰ জীৱনৰ সংগ্ৰামখিনিয়ে অন্ততঃ এগৰাকী মানুহক অসমীয়া মানুহৰ প্ৰতি বীতশ্ৰদ্ধ কৰি তুলিলে। সেই মানুহগৰাকীয়ে হ’ল কল্পনা লাজমী-ভূপেনদাৰ জীৱনৰ প্ৰায় অৰ্ধশতক কালৰ জীৱনসংগী।

কল্পনা লাজমী অসমীয়া মানুহৰ বাবে এক অতিশয় বিতৰ্কিত নাম। তেওঁৰ প্ৰতি সহানুভূতিশীল মানুহ অসমত আঙুলিৰ মূৰত লেখিব পৰাকৈ কম।

https://biriyaa.com/

কল্পনা লাজমী অসমীয়া মানুহৰ বাবে এক অতিশয় বিতৰ্কিত নাম। তেওঁৰ প্ৰতি সহানুভূতিশীল মানুহ অসমত আঙুলিৰ মূৰত লেখিব পৰাকৈ কম। ভূপেনদাৰ সৈতে জীৱনযোৰা বেআইনী লাইভ ইন্‌  সম্পৰ্কৰ বাবেই হওক বা ভূপেনদাৰ শিল্পীসত্বাৰ ব্যৱসায়ীকৰণৰ বাবেই হওক, অসমীয়া মানুহৰ বাবে কল্পনা লাজমী এগৰাকী দুশ্চৰিত্ৰা নাৰী; ভূপেনদাক অসমৰ পৰা, অসমীয়াৰ পৰা কাঢ়ি নিয়া মানুহগাৰাকী হ’ল কল্পনা। তেওঁ‌ৰ নিজৰ ভাষাতে  অসমীয়া মানুহৰ চকুত তেওঁ‌ এগৰাকী গ’ল্ড ড্ৰেগা্‌ৰ -ভূপেনদাৰ প্ৰতিভা আৰু কৰ্মক ব্যৱহাৰ কৰি একমাত্ৰ অৰ্থ উপাৰ্জন কৰা ‘বণিয়া’। গতিকে সেইগৰাকী মানুহে ভূপেনদাৰ সান্নিধ্যক স্মৰণ কৰি ৰচনা কৰা গ্ৰন্থখনে যে অসমত বিতৰ্কৰ সূচনা কৰিব সেয়া নিতান্তই স্বাভাৱিক।

ভূপেন হাজৰিকা মানেই অসমীয়া মানুহৰ এটি আৱেগ, এচামৰ বাবে ভূপেন হাজৰিকা ভগৱানৰ অৱতাৰ। অৱশ্যে সেই একেজন ভূপেন হাজৰিকাকে এসময়ত এচামে মদাৰৰ ফুল বুলি হাঁ‌হিছিল। পিছে ভূপেনদাই কৰ্মৰ বলেৰে, প্ৰতিভাৰ বলেৰে নিজকে ‘অসমৰ নক্সা’ হিচাপে প্ৰতিপন্ন কৰিবলৈ সক্ষম হৈছিল।

কল্পনা লাজমীৰ গ্ৰন্থখন হ’ল আত্মজীৱনীমূলক গ্ৰন্থ, আৰু প্ৰধানতঃ ভূপেনদাৰ সান্নিধ্যৰ স্মৃতিচাৰণ। ভূপেনদাক  লগ পোৱা দিনটোৰ পৰা তেওঁ‌ৰ জীৱনৰ শেষ দিনটোলৈকে—-ভূপেনদাৰ ব্যক্তিগত  জীৱন আৰু লাজমীৰ সৈতে তেওঁ‌ৰ যুগ্ম জীৱনৰ প্ৰায় প্ৰতিটো গুৰুত্বপূৰ্ণ ঘটনা গ্ৰন্থখনিত সাৱলীল ভাষাৰে বৰ্ণনা কৰা হৈছে। ভূপেনদাৰ জীৱনলৈ অহা বিভিন্ন মানুহ,বিভিন্নজনে ভূপেনদাক কৰা সহায়-বিশ্বাসঘাতকতা, ভূপেনদাৰ প্ৰেমিকাসকল, মানুহ হিচাপে ভূপেনদাৰ দোষ-গুণ, ভূপেনদাৰ পৰিয়ালৰ মানুহবোৰ, ভূপেনদাৰ আকশলংঘী প্ৰতিভা-এইবোৰেই গ্ৰন্থখনৰ মুখ্য আলোচ্য বিষয়। কল্পনা লাজমীৰ শৈশৱ-কৈশোৰ, ব্যক্তিগত জীৱনৰ হা-হুমুনিয়াহ,সফলতা-বিফলতাৰ সৰস আৰু সাহসী বৰ্ণনাই গ্ৰন্থখন উপভোগ্য কৰি তুলিছে। গ্ৰন্থখনৰ আটাইতকৈ বেছি চকুতলগা বিষয়টো হ’ল-গ্ৰন্থখনত ভূপেনদাক দেৱতাৰ শাৰীৰ পৰা নমাই আনি এজন দোষ-গুণেৰে পৰিপূৰ্ণ মানুহ হিচাপে উপস্থাপন কৰা হৈছে।

কল্পনা লাজমীয়ে তেওঁ‌ৰ গ্ৰন্থখনত বহুকেইজন বিশিষ্ট  অসমীয়া মানুহৰ বিপক্ষে ভূপেনদাক কৰা প্ৰতাৰণাৰ স্পষ্ট অভিযোগ তুলিছে। আনকি ভূপেনদাৰ পৰিয়ালৰ একাংশকো তেওঁ‌ ৰেহাই দিয়া নাই। এই অভিযোগবোৰৰ সত্যাসত্য নিৰূপণ কৰাটো আমাৰ দৰে সাধাৰণ মানুহৰ বাবে অৱশ্যে সম্ভৱপৰ নহয় যদিও গ্ৰন্থখন প্ৰকাশ হোৱাৰ তিনিমাহৰ পিছতো জীৱিত অভিযুক্তসকলৰ এজনেও এই বিষয়ে ক’তো মন্তব্য আগবঢ়োৱা আমাৰ চকুত পৰা নাই। আনহাতে, যদি এই অভিযোগবোৰ সঁ‌চা প্ৰমাণিত হয়, তেন্তে তথাকথিত ভূপেনদাপ্ৰেমী বহুকেইজন ভদ্ৰলোকৰ মুখা খোল খাব। ইতিমধ্যে গ্ৰন্থখনৰ অসমীয়া অনুবাদো প্ৰকাশ পাইছে। আৰু ই ৰাইজৰ মাজত ব্যাপক চৰ্চালৈ আহিলেই বহুকেইজন গণ্য-মান্য অসমীয়াই ৰাইজৰ ওচৰত জৱাবদিহি হ’ব লাগিব।

https://biriyaa.com/

নিঃসন্দেহে ড° ভূপেন হাজৰিকা অসমৰ সৰ্বকালৰ এজন অন্যতম শ্ৰেষ্ঠ  অসমীয়া। তেওঁ‌ৰ শ্ৰুতিমধূৰ গীতসমূহ অসমীয়া জাতিৰ নজহা-নপমা সম্পদ।অসমক আন্তৰাষ্ট্ৰীয় পৰ্য্যায়ত তুলি ধৰা প্ৰথমজন অসমীয়া হ’ল ড° ভূপেন হাজৰিকা। তেওঁ‌ৰ অমল প্ৰতিভাৰ যাদুকাঠিৰ পৰশ একমাত্ৰ অসম তথা ভাৰতবৰ্ষতে সীমাবদ্ধ হৈ থকা নাই-প্ৰকৃতাৰ্থত ভূপেনদা এজন আন্তৰাষ্ট্ৰীয় শিল্পী। ভূপেনদাৰ গীত, মাটিৰ গীত,মানুহৰ গীত। গীতৰ মাজেৰে সমাজ সংস্কাৰ কৰিব খোজা পৃথিৱীৰ মহান শিল্পীসকলৰ একে শাৰীতে অৱস্থান কৰা ভূপেনদা নিঃসন্দেহে অসমীয়া জাতিৰ বাবে এক অমূল্য সম্পদ। ভূপেনদাৰ সফলতাৰ আঁ‌ৰৰ ঘৰ্মাক্ত কাহিনীবোৰ কল্পনা লাজমীয়ে তেওঁ‌ৰ গ্ৰন্থখনত অতি মনোলোভাকৈ বৰ্ণনা কৰিছে। গ্ৰন্থখনৰ পৃষ্ঠাই পৃষ্ঠাই ভূপেনদাৰ বজ্ৰদীপ্ত প্ৰতিভা,তেওঁ‌ৰ শিশুসূলভ মনোভাৱ,অননুকৰণীয় গুণাৱলীৰ বৰ্ণনা পোৱা যায়। শিল্পী ভূপেন্দাক নিবিড়ভাৱ জানিবলৈ,বুজিবলৈ এই গ্ৰন্থখন নিসন্দেহে এক অমূল্য সমল।

গীতৰ মাজেৰে সমাজ সংস্কাৰ কৰিব খোজা পৃথিৱীৰ মহান শিল্পীসকলৰ একে শাৰীতে অৱস্থান কৰা ভূপেনদা নিঃসন্দেহে অসমীয়া জাতিৰ বাবে এক অমূল্য সম্পদ। ভূপেনদাৰ সফলতাৰ আঁ‌ৰৰ ঘৰ্মাক্ত কাহিনীবোৰ কল্পনা লাজমীয়ে তেওঁ‌ৰ গ্ৰন্থখনত অতি মনোলোভাকৈ বৰ্ণনা কৰিছে। গ্ৰন্থখনৰ পৃষ্ঠাই পৃষ্ঠাই ভূপেনদাৰ বজ্ৰদীপ্ত প্ৰতিভা,তেওঁ‌ৰ শিশুসূলভ মনোভাৱ,অননুকৰণীয় গুণাৱলীৰ বৰ্ণনা পোৱা যায়। শিল্পী ভূপেন্দাক নিবিড়ভাৱ জানিবলৈ,বুজিবলৈ এই গ্ৰন্থখন নিসন্দেহে এক অমূল্য সমল।

ভূপেনদাৰ বিষয়ে অসমীয়া মানুহে শুনিব নোখোজা আৰু মানি ল’ব নোৱাৰা বহুতো কথাও কল্পনা লাজমীয়ে অতি সাহসেৰে মুকলিকৈ লিখিছে।এই কথাবোৰে খাটি ভূপেনপ্ৰেমীক বিব্ৰত কৰি তোলাটো স্বাভাৱিক। বিশেষকৈ তেওঁ‌ৰ বিভিন্ন নাৰীৰ সৈতে হোৱা প্ৰেমৰ সম্পৰ্কবোৰ, পত্নী প্ৰিয়ম হাজৰিকাৰ প্ৰতি তেওঁ‌ কৰা অতি তৰাং মন্তব্য-এইবোৰ সৰ্বসাধাৰণ মানুহৰ বাবে গ্ৰহণ কৰিব নোৱাৰা কথা। অৱশ্যে এই অভিযোগবোৰৰ সত্যাসত্য নিৰূপণ কৰাটো আমাৰ বাবে অসম্ভৱ কথা-এই অভিযোগবোৰৰ পক্ষপাতদুষ্টতা নুই কৰিব নোৱাৰি।

কল্পনা লাজমীৰ মতে ভূপেনদাৰ প্ৰতি তেওঁ‌ৰ প্ৰেম নিতান্তই একপক্ষীয় আছিল। একমাত্ৰ প্ৰেমৰ বলতেই তেওঁ‌ নিচেই কম বয়সতে এক অনিশ্চিত ভৱিষ্যত বুকুত বান্ধি দেউতকৰ বয়সৰ ভূপেনদাৰ ওচৰলৈ গুচি আহিছিল। সুদীৰ্ঘ চল্লিছ বছৰত কিন্তু ভূপেনদাই তেওঁ‌ক কেতিয়াও আনুষ্ঠানিকভাৱে প্ৰেয়সী বা পত্নীৰ মৰ্য্যাদা নিদিলে। ভূপেনদাই প্ৰায়ে কল্পনাক নিজৰ ব্যক্তিগত সহায়ক বা ব্যৱসায়িক বন্ধু হিচাপেহে সমাজত পৰিচয় দিছিল। মৃত্যুৰ কেইটামান বছৰৰ আগতহে, প্ৰায় চৌৰাশী বছৰ বয়সত ভূপেনকল্পনাক বিবাহৰ প্ৰস্তাৱ দিছিল আৰু কল্পনাই সেই প্ৰস্তাৱ পোনছাটেই নাকচ কৰিছিল। তেওঁ‌লোক সুদীৰ্ঘ দিন একেলগে আছিল যদিও তেওঁ‌লোকৰ মাজত আছিল  বিভিন্ন ধৰণৰ বৈসাদৃশ্য। আদৰ্শৰ সংঘাত আছিল, কৰ্মপদ্ধতিৰ সংঘাত আছিল। কেতিয়াবা প্ৰচণ্ড খঙৰ বশৱৰ্তী হৈ ইজনে সিজনক শাৰীৰিক  ভাৱে আঘাত কৰিবলৈও কুন্ঠাবোধ নকৰিছিল। এই পাৰিবাৰিক কথাবোৰ কল্পনাই মুকলিকৈ লিখিছে।

https://biriyaa.com/

ভূপেন হাজৰিকা- এজ্‌ আই নিউ হিম -এখন ব্যতিক্ৰমী গ্ৰন্থ। এই গ্ৰন্থখনে সুধাকন্ঠ ড° ভূপেন হাজৰিকাৰ বিষয়ে  বহুতো নতুন কথা পাঠক সমাজলৈ আগবঢ়াই দিছে। গ্ৰন্থখনত কিছু আপত্তিজনক কথা নিশ্চয় আছে, কিন্তু গ্ৰন্থখনক কোনোপধ্যেই উপেক্ষা কৰিব নোৱাৰি। কল্পনা লাজমী ভূপেনদাৰ শেষ মূহুৰ্তটোলৈকে তেওঁ‌ৰ কাষত আছিল। কল্পনা লাজমীৰ প্ৰতি অসমীয়া জাতি কৃতজ্ঞ হ’বলৈ বাধ্য, কাৰণ তেওঁ‌ৰ অবিহনে যাযাবৰী শিল্পীগৰাকীৰ জীৱনটোৱে কোনদিশে গতি ল’লেহেঁ‌তেন! আজিৰ তাৰিখত সেয়া সঠিকভাৱে ক’ব পৰা নাযায়। ধন্যবাদ কল্পনা লাজমী। আপোনাৰ বিদেহ আত্মাই চিৰপ্ৰশান্তি লাভ কৰক। 

জানমনি বৰা

লেখক-পৰ্য্যালোচক

Previous আ ড় ষ্ট 
Next অসম বন্ধ